Y Faltando 5 luna pa e temporada mas dushi di aña, Team Telearuba ta den preparacion pa e celebracion magno di 20 aña di bo programa faborito, Magia di Pasco. E team ta siguiendo e trend di “Christmas in July” den cual ta e colornan di e temporada, pa asina por duna e studio di Telenoticia y Nos Mainta un “look” di Pasco cu kerstboom y decoracionnan unico den combinacion di varios colornan yamativo, pero cu un toke moderno, contemporario, pa asina sinti e tradicion di union cu Telearuba semper a transmiti pa e pueblo di Aruba. Pa loke ta Magia di Pasco, prepara pa poco “throwbacks” desde e comienso di e programa desde aña 2005. E lo ta un show unico, un experiencia di Pasco inolvidabel y hunto cu e Team Telearuba, celebra e 20 aña di existencia di Magia di Pasco cu lo estrena dialuna november 3 hunto cu Xiomara Everon y Ivo Yanez
