Portal BOI fase 2: paga impuesto y hasi areglo online mas facil
Recientemente durante conferencia di prensa Minister di Finansa y Asunto nan Economico Sr. Geoffrey Wever y Departamento di Impuesto a anuncia oficialmente e di dos fase di e portal digital di Bo Impuesto BOI na unda cu tur ciudadano y tambe compania nan por mira nan cobransa nan di impuesto online y por hasi peticion di areglo nan di pago usando e mes un portal aki. Tambe director di DIMP Sra. Luenne Gomez-Pieters ta informa comunidad tambe cu DIMP ta keda brinda servicio pa medio di e « Tax Service Center » na unda e contribuyente lo por jama y haya asistencia si tin cualkier pregunta relaciona cu impuesto y como tambe pronto lo por ricibi e formulario digital di inkomstenbelasting via e portal aki.
