DVG ta confirma: No tin riesgo di Hantavirus pa Aruba actualmente
Hantavirus! Recientemente a keda raporta na World Health Organisation (WHO) algun caso abordo di e cruise MV Hondius, loke a haci cu hopi informacion y preocupacion a cuminsa circula riba red social y otro plataformanan. Pa cu esaki, Directie Volksgezondheid a saca un comunicado y ta informa comunidad cu actualmente no tin ningun motibo di preocupacion pa Aruba relaciona cu hantavirus. Segun DVG, no tin ningun caso registra na Aruba y tampoco e virus ta presente den animalnan rastrero local. Autoridadnan di salud ta keda monitorea e desaroyonan internacional. Nos di telenoticia a hiba un entrevista cu Jurette Croes di DVG, kende ta amplia mas riba e situacion actual y e medidanan preventivo.
