A.T.A. ta analisa tendencianan turistico y fortalece alianza internacional durante reunionan Antigua
Aruba tambe a participa n’e conferencia di e Caribbean Travel Agency, representa pa Aruba Tourism Authority.E conferencia aki, conoci como e Caribbean Travel Marketplace (CTM), a tuma luga na Antigua y Barbuda. E bishita di e delegacion di A.T.A. na Antigua, cu a consisti di Sjeidy Feliciano, Area Director North America y di Ayerim Maduro di ATA North America, ta subraya e importancia pa keda visibel y traha consistente durante eventonan regional grandi. Ademas, ta importante remarca cu Aruba ta e di tres pais na mundo cu ta depende mas di turismo, despues di Macao y Antigua, dunando un bista di e importancia di e sector aki pa e isla.
