Recientemente parlamentarionan di Aruba a conclui un programa intenso y productivo den Hulanda den cuadro di e reunionnan Tripartite, Interparlementair Koninkrijksoverleg y varios bishita oficial di trabou. Segun Presidente di Comision di Asuntonan di Reino y Relacionnan Exterior di Parlamento di Aruba, parlamentario Jennifer Arends-Reyes, e delegacion di Aruba a logra pone diferente temanan importante y sensitivo riba agenda di Reino y alcansa acuerdonan pa continua cu desaroyo concreto riba varios asunto di importancia nacional.
