Anochi Informa monumento
Recientemente, Gobierno di Aruba y Monumentenbureau Aruba a organiza e prome anochi informativo tocante preservacion di monumentonan nacional na MFA Noord. Durante e encuentro, comunidad a haya mas informacion tocante e proceso di declaracion di monumentonan y e diferente posibilidadnan di apoyo pa restauracion di patrimonio historico. E actividad ta forma parti di un iniciativa mas amplio pa promove conscientisacion y preservacion di nos patrimonio cultural, cu lo continua cu mas anochinan informativo den diferente districto. Telenoticia a hiba un entrevista cu Sra. Daphne Every, consehero di monumento di Ministerio di Cultura y Infrastructura, y ta elabora mas tocante e importancia di e iniciativa aki y e esfuerzo pa proteha nos monumentonan historico pa futuro generacionnan.
