MinEd Escasez di personal
Pa loke ta trata e sector di enseñansa na Aruba ta enfrenta diferente reto nan den e aña binidero. Un di e preocupacion nan principal ta e cantidad di docente y otro profesional nan den educacion cu lo yega na nan edad di pensioen. Durante un entrevista cu Minister di Educacion Sra. Gerlien Croes, a indica e situacion por crea un escazes di personal califica den e sector. Segun e minister Aruba ta enfrenta tambe e reto di atrae profesional nan nobo, considerando cu otro pais nan ta ofrese condicion nan laboral mas atractivo. Minister Croes ta enfatisa cu gobierno ta consciente di e desafio nan aki.
