Interlasado Paralel
Arte tin e poder di cambia perspectiva, spierta emocion y haci nos mira e mundo cu otronan wowo. Pa algun artista, creatividad no conoce frontera y cada material ta bira un idioma pa conta un historia. Cu e pensamiento ey, artista interdisciplinario Velvet Zoe Ramos ta presenta Interlasado: Paralel, un exposicion cu ta combina ceramica, pintura y video den un solo experiencia artistico. Inspira den naturalesa, e forsa di hende muhe y nos herencia cultural, ta pone e publico pa re-descubri e balor di klei como un medio di expresion, identidad y memoria.
