Kingdom Startup Program
Un generacion nobo di entrepreneurs Caribeño ta haya e oportunidad pa transforma ideanan innovador den proyectonan real cu por aporta solucion na e retonan di nos islanan. E « Kingdom Startup Program » ta reuni studiantenan universitario di Aruba, Curaçao y Sint Maarten den un trayecto intensivo, caminda nan lo traha riba problemanan real cu ta afecta comunidadnan insular. Cu guia di mentornan experto, tayernan practico y colaboracion entre participantenan di diferente isla, e studiante nan lo pasa for di un idea inicial pa un empresa valido, desaroyando na mes momento e conocemento, confiansa y red profesional necesario pa inicia nan propio negoshi den un futuro. Den cuadro di e bishita di Secretario di Estado Eric van der Burg na Aruba, e mandatario hunto cu Minister Gerlien Croes y Minister Geoffrey Wever, a bishita e studiantenan na Universidad di Aruba pa asina haya un bista di e proceso cu e studiantenan a pasa den y con leu e proyectonan ta pa finalisa.
