Embeyecimento di Eagle Beach
Gobierno di Aruba ta sigui inverti den mehoracion di su principal atractivonan turistico. Recientemenye, Minister Wendrick Cicilia, hunto cu Minister René Herdé y expertonan di DOW, a anuncia oficialmente e inicio di e ultimo fase di embeyecimento di Eagle Beach. Segun e ministernan, e proyecto ta forma parti di un vision mas amplio pa fortalece e producto turistico di Aruba, mehora e experiencia di bishitantenan y preserva un di e beachnan mas iconico di nos isla. Prome cu e trabounan por cuminsa, Gobierno lo habri e proceso di destaho pa selecciona e contratistanan cu lo ehecuta e proyecto.
