Cuarentiun grupo a participa den Zomercarnaval 2026
Diasabra na Rotterdam a tuma luga otro exitoso evento di Zomercarnaval, cu e aña aki a conta cu e participacion di 41 grupo.
Cuarentiun grupo a marcha y baila den e cayanan di Rotterdam pa celebra e tradicional Zomercarnaval di Hulanda, un celebracion unico. E evento aki a cuminsa 44 aña pasa bou auspicio di studiantenan Antiano y Arubiano di e tempo ey. Nan tabata sinti falta di nan Carnaval estilo Caribense. Aunke den e parti suit di Hulanda ta celebra esaki prome cu Cuaresma, e ambiente no ta esun di nos islanan. Pa es motibo aki ambe a scoge pa celebr’e den zomer, ya cu comienso di aña ta mucho friu.
