3 Departamento di Gobierno Aruba ta cuminsa digitalisacion | E-Government
E-Government ta un nomber cu e comunidad di Aruba a bini ta scucha pa varios aña caba. Ta trata aki desde 2019 cu a duna inicio na e trayectoria pa Gobierno di Aruba digitalisa departamento nan p’asina comparti cu otro informacion nan digital. E sistema di e-Government ta ser financia pa Union Europeo y n’e momento nan aki Aruba ta na un otro punto pa e siguiente paso den digitalisacion. Minister Gerlien Croes, encarga cu e cartera di Innovacion, durante un rueda di prensa awemainta, a indica awemainta cu apesar cu ta desea di inicia cu tur departamento den e proceso aki, e ta uno sumamente dificil pa cumpli cu e deseo aki y pa es motibo tres departamento so lo ta esnan cu ta duna inicio na e proyecto aki.
