Curso intensivo ta prepara generacion nobo di referee pa basketball
Cu e meta pa atende e scarsedad di oficialnan riba nos isla, a tuma luga un curso intensivo di arbitrahe dirigi p’e instructor Cedric Riedijk, representante di e Federacion Hulandes di Basketball (NBB). E proyecto aki a sirbi simultaneamente pa capacita arbitronan nobo y como fogeo p’e seleccion di pasarela di Aruba cu ta preparando pa biaha pa Ecuador.
