Rodgers Beach cu facilidad nobo pa comunidad y turista
Dialuna ultimo na Rodgers Beach a tuma lugar reapertura y inauguracion oficial di e ‘Facility Building’. Ministerio di Turismo conhuntamente cu Aruba Tourism Authority, coordina pa Departamento di Obra Publico a completa e proyecto aki exitosamente despues di a anuncia algun luna atras su renobacion. E edificio bieuw tabata den un situacion hopi deteriora y pa cual pa seguridad di esnan cu ta bishita Rodgers Beach esaki mester a ser cera. Aworaki den su estado nobo, e comunidad di Aruba como tambe turista lo por hasi uzo di e facilidad nobo. Minister Wendrick Cicilia y CEO di ATA, Ronella Croes a hiba palabra n’e ocasion special aki.
