Aruba ta anfitrion di International Aerial Arts World Championship 2026
Aruba tabata e anfitrion e aña aki pa loke ta trata e International Aerial Arts Organization World Championship 2026 cu a tuma lugar na Centro Deportivo Libertador Betico Croes e weekend tras di lomba. E competencia aki a reuni atleta nan di 6 diferente pais competiendo den diferente diciplina di arte aerial. E evento a wordo organisa pa Club di Movimiento Aruba y Aerial Dance & Performance Aruba bou di regulacion y colaboracion di e International Aerial Arts Organization y United States Aerial Arts Organization. Nos di Telenoticia tabata presente y a hiba un entrevista cu Coach di Aruba su delegacion Hilyann Croes pa asina conose mas di e competencia internacional aki.
