MinSal Respaldo
Recientemente Gobierno di Aruba a anuncia e aprobacion di otorgamento di tereno na Fundacion Salud Mental Respaldo pa construi conhuntamente cu Fundacion Mama Ties un clinica completamente nobo y moderno pa brinda cuido di salud mental di calidad halto na Aruba su comunidad. E logro aki ta un paso importante pa fortalece e sistema di cuido di salud mental, cu e vision pa crea un instituto propio pa atencion di personanan cu condicionnan di salud mental, un facilidad cu por transforma e manera cu Aruba ta atende un necesidad social y medico cada biaha mas presente. Minister di Salud Publico, Mervin Wyatt-Ras ta elabora riba e momento importante aki pa cuido di salud mental.
