Brazil a celebra su herencia y identidad cu un parada cultural
Diadomingo ultimo, bario di Brazil tabata yena di ambiente cultural y tradicion durante e Parada Folklore Cultural organisa pa Fundacion Chico Harms. E actividad a conta cu participacion di 14 grupo, 8 banda y 6 Disco, cu a pasa den e cayanan di e bario cu musica, baile y diferente expresion cultural. Un publico grandi a reuni pa disfruta di e presentacionnan y celebra parti di Aruba su herencia y identidad. Telenoticia a captura diferente momento pa asina trece un recap di e ambiente cultural cu a reina durante e parada na Brazil
