IDEFRE-IBiSA ta celebra 50 aña cu Aruba Activo 2026
IDEFRE-IBiSA ta prepara pa celebra 50 aña di existencia cu un evento grandi dedica na deporte, movimiento y comunidad. Diadomingo 27 di september, Bushiri Beach lo bira punto central di Aruba Activo 2026, un dia completo cu actividadnan pa tur edad, incluyendo competencia deportivo, Zumba, musica en bibo, Kids Corner y Caya Activo. For di 5’or di mainta te cu 7’or di anochi, comunidad ta invita pa participa gratuitamente y celebra hunto cinco decada di promocion di deporte y un estilo di bida activo na Aruba.
