Ta trahando pa yega n'un solucion p'e situacion cu ta andando na Hospital
Gobierno di Aruba ta trahando diligentemente pa resolve e retonan financiero preocupante cu Hospital ta enfrentando actualmente. Minister di Finansa, Asuntonan Economico y Sector Primario, mr. Geoffrey Wever, a splica cu e notificacion aki a yega di un ora pa otro, cayendo manera un baño di awa friu. Sinembargo, el a enfatisa cu ningun mandatario por bira lomba p’e instituto aki, pasobra e ta un pilar esencial y patrimonio di henter e pueblo, unda salud semper ta bal mas cu placa, trabao of status.
