Mas di 24 pais lo participa den e Masters World Championships Aruba 2026
Diamars mainta a tuma luga un conferecia di prensa na cantina di Arubabank Camacuri unda a anuncia oficialmente e Master World Championships 2026. Durante e conferencia aki,Ronald Speijer, Presidente di F3Aruba a expresa cu esaki no ta solamente un evento deportivo pero tambe ta un oportunidad pa Aruba pa proyecta su mes como un destinacion deportivo y activo den region di Caribe. Esaki ta un evento di diferente categoria di deporte manera crossfit, hyrox y weight lifting. Lo tin mas di 24 pais diferente participanto den e evento aki cu lo tuma luga di 23 pa 25 di october na Centro Libertador Betico Croes.
