Minister Arthur Dowers ta papia riba AI, husticia y derechonan humano na Nacionnan Uni
Den cuadro di « High-Level Week »di Asamblea General di Nacionnan Uni na New York, Minister di Husticia Arthur Dowers a representa Aruba como un « keynote speaker » durante un encuentro internacional dedica na inteligencia artificial, husticia y derechonan humano. Den su discurso, Minister Dowers a pone atencion riba e velocidad cu tecnologia di « AI » ta desaroyando y e retonan cu sistemanan cada bes mas avansa y autonomo ta trece pa Estado di Derecho. Un punto central tabata responsabilidad: ora inteligencia artificial ta participa den decisionnan cu por tin consecuencia pa un persona, ta bira crucial pa determina ken ta responsabel y con derechonan humano por keda debidamente proteha den e era nobo di « AI ».
