WEB Aruba ta anuncia BESS II, e parke di bateria mas grandi den Caribe
Diaranson ultimo durante un conferencia di prensa WEB Aruba oficialmente a anuncia inicio di e proyecto « Battery Energy Storage System » (BESS II). Cu un capacidad di 35 MW / 70 MWh, segun expectativa BESS II lo bira e parke di bateria mas grandi den Caribe. E proyecto ta plania pa keda cla na 2028. BESS II lo forma parti di e energy mix di WEB y lo contribui na un red di energia mas stabil y confiabel. Asina WEB por integra cada bes mas energia renovabel y sigui ofrece un suministro di energia confiabel, pagabel, sostenibel y safe.
