BoImpuesto: e formulario di inkomstenbelasting lo ta solamente digital
Cambiando pa e topico di impuesto, Departamento di Impuesto ta haci un yamada na tur contribuyente pa registra den e portal di BoImpuesto, cu ta brinda acceso mas facil na diferente servicio. A traves di e portal, contribuyentenan por consulta nan cuenta di impuesto, haci areglo di pago y verifica si tin algun restitucion pendiente. Pa loke ta e inkomstenbelasting, e formulario lo ta disponibel digitalmente den BoImpuesto entrante november 2026, y contribuyentenan no lo recibi e formulario mas via post. Durante un entrevista cu Relacionista Publico di DIMP, Meverly Romano, el a splica con e proceso nobo lo funciona durante e periodo pa yena e inkomstenbelasting.
