Pop Up Market
San Nicolas Pop-Up Market ta prepara pa su proximo edicion cu un expansion importante, reuniendo mas di 90 « vendors » local den centro di San Nicolas. E mercado lo conta cu un espacio mas grandi, caminda bishitantenan por disfruta di e bon gastronomia, musica y un variedad di productonan local. Minister di Finansa, Economia y Sector Primario, Geoffrey Wever, ta extende un invitacion na henter comunidad pa participa den e evento diasabra awor 31 di october, cuminsando for di 9’or di mainta te cu 2’or di atardi, y asina sostene nos comerciantenan local.
