"Aruba in Stilte"
Experiencia di hobennan durante pandemia di Covid-19 na Aruba lo forma parti di un proyecto special cu ta busca pa preserva e recuerdonan di e periodo aki. Fundacion Creciendo, den colaboracion cu Letterfonds, a prepara un proyecto literario y digital yama “Aruba in Stilte”, caminda hobennan entre 12 y 17 aña ta haya e oportunidad pa comparti nan historia y con nan a biba e periodo di l »ockdown » den aña 2020. Mediante e proyecto aki, nan experiencianan lo keda documenta como parti di historia di Aruba, pa futuro generacionnan por conoce e impacto cu pandemia tabatin riba nos hobennan.
