Wit Gele Kruis a recauda fondo pa Mary Joan Foundation
Wit Gele Kruis a organisa un campaña di recaudacion di fondo durante luna di october pa sostene Mary Joan Foundation, den cuadro di Pink Ribbon Month. Edwin Roos, representante di Wit Gele Kruis, a splica cu durante henter luna nan a pone box di donacion den nan oficinanan, permitiendo empleado y bishitantenan contribui n’e causa. Aunke e suma recauda tabata mas abou di e expectativa inicial, Roos a confirma cu Wit Gele Kruis lo agrega un contribucion propio pa aumenta e donacion final.
