Le Premier ministre échange avec le Corps diplomatique sur les grands enjeux nationaux
Premye minis Alix Didier Fils-Aimé rankontre, jedi 5 novanm 2026 la, manm Kò diplomatik ki akredite an Ayiti nan kad yon seyans travay nan lokal Nonsyati apostolik la.
Diskisyon yo te dewoule sou gwo defi peyi a ap fè fas tankou ensekirite, eleksyon, deplase entèn yo epi migrasyon, kote chèf gouvènman an te ensiste sou enpòtans ranfòsman koperasyon entènasyonal la.
Pou Premye minis lan, li nesesè pou kominote entènasyonal la akonpaye jefò pou retabli sekirite, yon fason pou pwochèn eleksyon yo kapab fèt epi pote bon jan repons nan kriz imanitè ak migratwa a.
Daprè Primati Repiblik la, rankont sa a montre enpòtans pou toujou gen dyalòg ant otorite ayisyèn yo ak patnè entènasyonal yo nan lespri konsètasyon ak nan respè dwa granmoun peyi a.
