Minister Carlson Manuel: Mester tene cuidao cu mal informacion tocante situacion di Venezuela
Ultimo dianan tin diferente encuentronan tumando luga na Hulanda entre otro na Ministerie van Algemene Zaken pa Conseho di Minister. Minister Plenipotenciario di Corsou na Hulanda, Carlson Manuel, a subraya cu esaki naturalmente ta pa atende temanan cu ta regarda e paisnan. Un tema sigur cu a bini dilanti ta e situacion di Venezuela.
“Mi ta kere semper ta bon pa nos por ta atento di dje, nan tambe a duna nan informacion pa loke ta trata loke nan tin. Mester tene cuenta riba e mal informacion cu ta sali hopi biaha”, segun minister Manuel. Aki e ta referi hopi biaha na diferente plataformanan riba rednan social cu ta comparti cosnan cu ta falso, of otro fuentenan y tin biaha medio of corant cu ta haci mescos.
