Apertura Festival di Buki pa Mucha: ELMAR ta introduci Chispito
Na Ballroom di Paseo Herencia a tuma luga e apertura di Festival di Buki pa Mucha, banda di 3:30 pm, e sala tabata completamente yen, y e actividad a cuminsa pa 4:00 pm. Den entrevista cu Audrey Croes, PR & Communications Officer NV ELMAR, a comenta cu, den representacion di ELMAR nan ta sumamente contento cu e “gran dia a yega” e Festival di Buki pa Mucha. Den cuadra di 75 aña di ELMAR nan ta colaborando cu Biblioteca Nacional, aportando den e bunita mision di promove lesamento y e amor, pa lesamento den mucha.
