Aruba Activo ta invita Aruba pa un dia yen di deporte y movemento
Como parti di e programa Aruba Activo, e pueblo di Aruba ta wordo invita pa participa den un dia yen di deporte, movemento, entretenimento y actividad pa henter famia. Un di e actividadnan principal ta Caya Activo, un concepto di ciclovia caminda e pueblo por disfruta di un ruta sigur pa cana, core, riba bicicleta, rollerblades of skateboard.
