Aruba ta bira pionero den identidad digital pa biaheronan
Aruba ta posiciona su mes como un punto di referencia internacional den innovacion di frontera y identidad digital. Durante e « SITA Borders User Forum », representantenan di gobierno, autoridadnan di inmigracion y expertonan di siguridad ta reuni pa intercambia experiencia y analisa futuro di maneho di frontera y trafico internacional. Den futuro lo conoce mas tecnologia nobo na fronteranan y Aruba ta percura pa tur empleadonan di inmigracion ta capacita cu cada implementacion di tecnologia, pa asina por haci e proceso di inmigracion mas lihe, eficiente y sigur pa biaheronan. Minister di Husticia, Arthur Dowers a atende e conferencia aki y ta duna un bista di e rol di Aruba como pionero den implementacion di identidad digital pa biaheronan.
