Brandweer preocupacion
Den un entrevista cu Presidente di Sindicato SINBA cu ta representa trahadornan di Brandweer Aruba, sr Jonathan Ramada a elabora riba e preocupacion nan cu e sindicato tin cual un di nan ta e problema financiero. Sr Ramada a elabora cu gobierno a indica na Brandweer cu actualmente no tin fondo suficiente pa inverti den e organisacion. Tambe e representante ta reacciona riba e comentario cu Presidente di Sindicato STA a papia riba e Anexo 14. E anexo aki ta indica cu Aeropuerto Internacional Reina Beatrix mester tin su mesun cuerpo di bombero. Sr Ramada ta indica cu e presidente di Sindicato STA no por papia of trece informacion incorecto na e comunidad di Aruba mirando cu Brandweer di Aruba ta e cuerpo di Bombero di Aeropuerto
