Dia Mundial di Oceano: nos oceano ta e pulmon di Planeta Tera
En conexion cu Dia Mundial di Oceano, Nacionnan Uni ta manda un mensahe na comunidadnan rond mundo pa sigui proteha nos naturalesa, nos medio ambiente y nos oceano, cu ta cubri mas di un 70 porciento di nos planeta tera. Ta considera oceanonan, E pulmon di planeta tera cu ta promove bida y ta sostene bida. Algun dato importante. E oceano ta produci 50 porciento di e oxigeno di planeta Tera, e ta cas di biodiversidad y ta e fuente principal di proteina na biyones di persona rond mundo. Bon pa menciona tambe, cu e oceano ta sostene economia na mas cu 40 miyon hende cu ta traha den e industria di Pesca y Aquacultura. Nos colega Aldric Werleman ta pone e tema di e aña aki den perspectiva cu ta indica cu hunto nos mester Re-imagina y pensa mas leu: Un relacion nobo cu nos oceano
