DIMP ta pidi contribuyentenan pa registra den portal BoImpuesto
Departamento di Impuesto ta avansa cu un proceso di digitalisacion pa modernisa su servicio y facilita e tramite fiscal pa contribuyentenan. Como parti di e transicion aki, formulario di impuesto ta bira digital, cu ta haci e proceso mas accesibel y eficiente pa e contribuyentenan y pa e mesun departamento. DIMP ta haci un yamada na tur contribuyente pa registra den e portal di BoImpuesto, caminda por tin acceso na diferente servicio online, incluyendo acceso di informacion di restitucion y areglo di pago.
