"Falta placa y cuido ta den peliger": ABV ta pone presion riba Parlamento pa rescata Hospital
Den cuadro di e ultimo desaroyonan laboral y financiero den sector di cuido, presidente di sindicato ABV, Gina Maduro, a duna un relato amplio di e pasonan tuma tanto cerca Landsbemiddelaar como den Parlamento. Despues di un reunion general y un walkout di dos ora, e dirigentenan sindical a acudi cerca Mediado di Gobierno pa trece dilanti e preocupacionnan cu ta reina na Horacio Oduber Hospital (HOH) y Wit Gele Kruis (WGK).
