Gateway 2030 a alcansa un "milestone" importante cu finalisacion di Fase 1B
Diahuebs atardi a marca un momento historico pa Aruba Airport Authority N.V, momento cu a yega na un milestone den e fase 1B. Durante e celebracion, oficialnan y trahadornan a reuni pa marca e logro importante aki. E tradicion aki ta celebra ora e parti structural di mas halto di un proyecto a wordo completa, simbolisando progreso y colaboracion entre tur esnan involucra. E proyecto Gateway 2030 tin como meta amplia y modernisa e aeropuerto, mehorando e experiencia di pasajeronan y aumentando capacidad pa atende e crecimiento continuo den turismo na Aruba.
