Gobierno ta cuminsa cu revitalisacion di Caya Grandi den Oranjestad
Diahuebs ultimo Gobierno di Aruba, hunto cu diferente instancia manera Departamento di Naturalesa y Medio Ambiente (DNM), Bureau City Inspector, Dienst Openbare Werken (DOW) y Cuerpo Policial Aruba, a organisa un encuentro cu prensa na e ex edificio di Music Box den Elleboogstraat pa comparti progreso y siguiente pasonan den e revitalisacion di centro di Oranjestad. Awe mainta na crusada di Kazernestraat cu Klipstraat a duna inicio na e programa di revitalisacion di Caya Grandi. Prome Minister Eman conhuntamente cu Minister Herde y diferente stakeholders tabata presente p’asina inicia cu e trabou nan di limpiesa den caya.
