Internacional 18 sept
Comision nacional di telecomunicacion di Venezuela a anuncia un comunicado pa e re-establecimento di e aceso di algun portalnan informativo nacional y internacional cu tabata blokea pa gobierno pa varios anja. Ademas Autoridadnan na Philadelphia ta investigando desaparicion di cinco hende muhe cu nan ta teme por a perde nan bida. Durante e investigacion, polis a descubri arma, droga y miyones di video y potret cu ta inclui imagen di personanan aparentemente sin bida den un cas cu autoridadnan a cataloga como « House of Terror ». Y Segun autoridadnan Spaño, varios persona a keda herida durante un situacion cu a surgi ora miles di migrante a trata di yega na centronan designa pa Gobierno pa nan estadia. Sindicatonan policial, entretanto, a alerta riba preocupacionnan relaciona cu siguridad. Fabiola Angela Hernandez tin e siguiente detayenan.
