Mas cu 300 studiante a bishita HOH Open Dag
Pa di cuater aña consecutivo, HOH Academy di Horacio Oduber Hospital a organisa un “open dag” cu meta pa inspira y informa hobennan studiante riba e diferente oportunidadnan den mundo di cuido. Durante e “open dag”, mas cu 300 studiante a bishita e evento, unda nan a haya e oportunidad pa papia directamente cu profesionalnan di diferente departamento, haci pregunta y conoce di cerca e diferente funcionnan cu tin den nos Hospital.
