MEP ta pidi Hulanda aclaria declaracionnan di Cas Real tocante Betico Croes
Lider di fraccion MEP, mr. Evelyn Wever-Croes, ta exigi aclaracion di Gobierno Hulandes tocante anotacionnan atribui na Reina Juliana y Reina Beatrix, publica den un buki reciente cu ta trata historia di Cas Real Hulandes. Segun Wever-Croes, e anotacionnan ta presenta Betico Croes den un forma sumamente negativo, describiendo como un lider autoritario y un persona cu tabata representa un problema pa Aruba. E lider di MEP ta considera e publicacion un herida profundo pa pueblo Rubiano, particularmente pa tur esnan cu tabata sostene e lucha pa Status Aparte.
