Mildred Schwengle Oficialmente Instala Como Ministro Plenipotenciario na Hulanda
Den un ceremonia elegante den Nieuwe Kerk na Den Haag, Gobierno di Aruba a instala oficialmente señora Mildred Schwengle como Ministro Plenipotenciario di Aruba na Hulanda. E anochi special aki a reuni un amplio grupo di invitadonan distingui, incluyendo embahadornan, representantenan diplomatico, miembro di Parlamento Hulandes, lidernan politico, representantenan di Reino Hulandes y huespednan di diferente sector di sociedad Hulandes y Caribe Hulandes. E ceremonia a tuma luga den un atmosfera di orguyo nacional y reflexion historico, caminda tambe a conmemora 40 aña di Status Aparte y 50 aña di Himno y Bandera di Aruba. Nos colega Andrew Vrolijk a cubri e ceremonia, como tambe varios bishita cu Prome Minister a realisa na Hulanda
