Min PresSosten Venezuela
Prome Minister Sr. Mike Eman a comenta cu Aruba ta den contacto cu e autoridadnan competente den Reino pa determina kico Aruba por haci pa yuda Venezuela. Segun e informacion cu Gobierno a ricibi, e area di La Guaira ta un di lugar nan mas afecta y e cantidad di fayecido ta sigui aumenta. E embahadora a informa cu tur personal di e Embahada Hulandes ta sano y salbo . Dos colaborador a perde nan cas pa motibo di e temblor fuerte, pero te na e momento aki no tin ningun indicacion cu tin Arubianonan afecta. El a recorda cu Aruba tin experencia cu asistencia humanitario despues di desaster natural, incluyendo e apoyo cu a brinda na Haiti despues di e temblor na 2010.Pa asistencia y informacion, CMO ta disponibel na 588 0100. Directie Buitenlandse Betrekking por wordo contacta na 583 4705 y e Embahada Hulandes na Caracas na +58 21 22 76 93 00. Gobierno di Aruba lo sigui monitor e desaroyo di e situacion di cerca y lo mantene comunidad informa tan pronto cu tin mas informacion oficial.
