Minister Rene Herde a papia riba futuro di liderazgo di SETAR
Minister di Telecomunicacion Rene Herde, a indica cu durante e ultimo dianan a tene diferente conversacion cu partidonan concerni, incluyendo director actual di SETAR, ir Roland Croes, Raad van Commissarissen y Sindicato STT. E proceso actual ta relaciona cu e hecho cu ir. Roland Croes ta acercando edad di pension. Den e cuadro ey, Gobierno a inicia combersacion pa evalua tanto continuidad di liderazgo como e direccion cu e compania mester sigui despues.
