Minister Wendrick Cicilia a topa cu votado y famia durante family day
Den un ambiente trankil y ameno, mr. Wendrick Cicilia, Minister di Turismo y Labor, a participa den un encuentro special pa comparti cu su sernan keri. E mandatario a splica cu e tipo di encuentronan aki, den forma di un ‘family day’, ta algo usual cu e ta organisa cada tanto tempo pa keda cerca di e pueblo. « Famia ta bin hunto na algo cu mi tin cu bisa ta, mi votadonan ta mi famia, » e mandatario a expresa, indicando cu e hecho di ta den gobernacion no kiermen cu bo tin cu distancia bo mes di esnan cu ta sostene bo.
