Move cu curason: caminata pa Dia Internacional di Personanan cu Limitacion
Den cuadro di Dia Internacional di Personanan cu Limitacion, Stichting voor Verstandelijk Gehandicapten Aruba ta invita comunidad pa uni den un actividad special bou di lema “Move cu curason – Nos tambe ta conta!”. Dia 3 di december, personanan cu limitacion, nan famianan y comunidad en general lo reuni na Linear Park pa un caminata cu tin como meta promove inclusion, participacion y conscientisacion. E actividad lo tuma lugar di 9’or di mainta pa 12:30 di merdia, creando un momento pa move hunto, comparti y pone enfasis riba un mensahe importante: cada persona ta conta y merece oportunidad pa participa plenamente den comunidad.
