Open Monumentendag 2026 ta habri na Savaneta cu Acto Simbolico
Fin di siman tras di lomba Savaneta a bira e centro di celebracion di Historia, Cultura y Patrimonio durante apertura oficial di Open Monumentendag 2026. E actividad, organisa pa Stichting Monumentenfonds Aruba hunto cu Fundacion Savaneta y Departamento di Cultura Aruba, a reuni representantenan di gobierno, organisacionnan cultural y miembronan di comunidad pa celebra e herencia historico cu ta forma un parti importante di identidad nacional. E ceremonia di apertura a tuma lugar na Stichting Funari, caminda un acto simbolico special a marca e inicio oficial di e evento. Durante e momento aki, un yabi representando Stichting Monumentefonds Aruba a wordo pasa di man pa man entre hobennan, baluartenan di bario, Prome Minister Mike Eman y representantenan di e organisacionnan involucra.
