Prome Minister Mike Eman ta felicita Evie Lua van der Sloot pa su exito
Recientemente, Prome Minister Mike Eman a ricibi den su oficina Evie Lua van der Sloot, cu a gradua como e miho studiante di VWO na Colegio Arubano. Durante e encuentro, Prome Minister a felicita e hoben pa su logro academico y a entrega un reconocemento special como muestra di aprecio pa su dedicacion y excelencia. Evie ta preparando pa sigui su estudio di medicina na Hulanda y a comparti cu e resultado ta fruto di añanan di disciplina, perseverancia y trabou duro.
