Rudy Donata: Ta orguyoso di seleccion di baseball u-12
Tur hende na Aruba ta orguyoso y contento cu e logro di e seleccion di baseball u-12 cu pa prome bes a yega asina leu den World Series Little League Baseball (WSLLB). Desde cu a scoge e seleccion aki pa representa Aruba, nan a sa di haci un bon trabou na Corsou prome, birando e campeon di region Caribe. A bolbe haya oportunidad pa representa Caribe y aunke a perde un wega na Williamsport, e peloteronan a sa di bons bek. Diasabra pa 12:30 pm Aruba ta enfrenta Chinese Taipei (Taiwan) despues cu diahuebs a gana Venezuela.
