Awarri den full swing pa Festival Cantica di Caya diasabra awo
Arthur Kelly, integrante di e grupo Awarri, a confirma cu nan ta preparando tur cu tin p’e Festival Cantica di Caya cu lo tuma luga dia 25 di juli den Centro di Bario Brazil. E agrupacion lo presenta cu cuater participante: un infantil y tres den categoria di adulto, cu ta Chantall Quandt, Sandy Loefstop y Jason Kelly. E repertorio di Awarri lo ta reparti den dos tumba, un danza p’e grandinan y un danza p’e muchanan p’e fin di siman aki.
