Mural Egmond Molina
Cu un total di mas cu 10 record mundial registra den e Guiness World of Records, e atleta elite y orguyo di Sanicolas, Egmond Molina, a ricibi un homenahe special cu un mural dedica na su trayectoria excepcional. E obra di arte, crea door di e artista Paul Wong, a wordo revela durante un ceremonia special den presencia di famia, conocir nan y Minister di Turismo, Wendrick Cicilia. Cu e homenahe aki ta reconoce e contribucion extraordinario di Egmond, den cual su logro nan ta pone Aruba riba mapa internacional den e Guiness World Records.
